Бишкекте сервистик тейлөө борбору өрттөнүп жатат

Бүгүн, 19-декабрда Бишкек шаарында сервистик тейлөө борборунан ири өрт чыккан. Бул тууралуу ӨКМнин маалымат кызматына шилтеме берип “Барометр” билдирет.

Өрт Бишкек шаарынын Саякбай Каралаев менен Иса Ахунбаев көчөлөрүнүн кесилишинде жайгашкан  сервистик тейлөө борборунан (унаа жуучу жай эмес) чыккан.

Өзгөчө кырдаалдар министрлигинин маалыматына ылайык, өрттү өчүрүүгө үч бөлүм жана атайын штабдын ыкчам тобу тартылган.

Учурда өрттү өчүрүү иштери уланууда. Соцтармакка жарыяланган видеодон  өрт чыккан имараттын жанында май куюучу станция жайгашканы көрүнүп турат.