Бишкекте абал турукташып, коомдук транспорттун графиги кайрадан өзгөрдү

Бүгүн, 20-августтан тарта троллейбус, автобус, маршруткалар күн сайын каттап, үч саат гана санитардык тыныгууга чыгат. Бул туурасында Бишкек шаардык мэриясынын маалымат кызматына таянып “Барометр” билдирет.

Өзгөчө кырдаал шартында экономикалык туруктуулукту камсыздоо үчүн коомдук транспорттун иш тартиби өзгөрдү.

Маалыматка ылайык, бүгүндөн баштап, троллейбус, автобус, маршруткалар күн сайын каттап, үч саат гана санитардык тыныгууга чыгат. Тагыраак айтканда, дем алыш, майрам күндөрү дагы эл ташып, эртең менен саат 7.00дөн 11.00гө чейин, түштөн кийин 14.00дөн кечки 23.00гө чейин иштемекчи. Ошондо саат 11.00дөн 14.00гө чейин тыныгуу берилет.

Муну менен бирге мэрия борбор калаада эпидемиологиялык кырдаал бир аз турукташканын, бирок бет кап тагынып, антисептик колдонуп жана социалдык аралыкты сактап санитардык нормаларды так аткаруу зарыл экенин эскертти.