Бишкекте 7-ноябрда көзү өтүп кеткен журналисттер эскерилет
Бишкекте бүгүн, 7-ноябрда көзү өтүп кеткен журналисттер эскерилет. Акыркы 25 жыл аралыгында каза болгон журналисттерди эскерүү иш-чарасында алардын элесине арналган сүрөт-галереясы уюштурулуп, куран окутулат.
Маркумдарды эскерүү иш-чарасын уюштурган демилгелүү топтун мүчөсү, журналист Элнура Кулуеванын айтымында, соңку 25 жылда 100дөн ашык журналисттин көзү өткөн.
Быйылкы жылы кыргыз журналистикасында оор жоготуулар болду.
Иш чарада үстүбүздөгү 2018-жылы каза болгон Султан Жумагулов, Салтанат Саматова, Уланбек Эгизбаев, Исмаил Мамытов өңдүү кыргыздын белгилүү журналисттери эскерилмекчи.
Эске салсак Кыргызстанда бүгүн Басма сөз жана маалымат күнү. Ошондой эле 7-8-ноябрь "Тарых жана ата-бабаларды эскерүү күндөрү" катары былтыркы жылдан тарта белгилене баштаган.
Ссылка: https://barometr.kg/bishkekte-7-noyabrda-kz-tp-ketken-zhurnalistter-eskerilet
Добавить комментарий ×