Бишкекте 4-кабаттан аял кулап кетти

Бишкектеги Байтик Баатыр көчөсүндөгү үйлөрдүн биринен, 4-кабаттан 1-кабаттын чатырчасына жашы 25-30дар чамасындагы аял кулап түштү. Бул тууралуу Өзгөчө кырдаалдар министрлигинин басма сөз кызматына таянуу менен “Барометр” билдирет.

Окуя болгон жерде Бишкек шаардык куткаруу кызматынын беш куткаруучусу иш алып барды. Алар аялды чатырдан түшүрүшүп тез жардам кызматына өткөрүп беришти.

Аял колунан жаракат алган, абалы канааттандырарлык, анын өздүгү такталууда.