Кыргызстанга Түркиядан 330 кыргыз жараны келди

Кыргызстанга Түркиядан 330 кыргыз жараны учуп  келди. Бул тууралуу Республикалык штабка шилтеме берип "Барометр" билдирет.

 "Кыргыз жарандары «Turkish Airlines» авиакомпаниясынын «Стамбул-Бишкек-Стамбул» багыты боюнча Кыргызстандан Түркиянын, Түркиядан Кыргызстандын жарандарын алып чыгуу үчүн уюштурулган чартердик каттам менен келишти". - деп айтылат маалыматта.

Бүгүн, 15-июлда кыргыз жарандары учуп келген каттам менен Түркиянын эл аралык авиакаттамдардын жаңыланышына жана чет өлкөлүк жарандардын киришине чектөөлөрдү алып салуусуна байланыштуу транзиттик которолуп түшүү менен Кыргызстанга Малайзия, Түндүк Кипр, Япония, Франция, Швейцария, Украина, АКШ, Германия, Вьетнам, Бельгия, Швеция, Чехия, Корея Республикасы, Болгария, Австрия, Испания, Грузиядан келишти.

 Чет мамлекеттерде жүргөн кыргыз жарандарын мекенге кайтаруу боюнча иштер улантылат.