Бишкекке 200 даана мобилдик кычкылтек концентратору келди

Бишкекке мобилдик кычкылтек концентраторлорунун кезектеги партиясы жеткирилди. Бул тууралуу өкмөттүн маалымат кызматына таянып "Барометр" билдирет. 

Кечээ, 15-июлда КРнын өкмөтү тарабынан сатылып алынган мобилдик кычкылтек концентраторлорунун кезектеги партиясы Кытайдан чартердик каттам аркылуу 200 даана көлөмдө алынып келинди.

 Белгилей кетсек, үстүбүздөгү жылдын июль айынын башынан бери өлкөгө республикалык бюджеттин каражатына сатылып алынган 1 миңден ашуун мобилдик концентраторлор алынып келинген. Ошондой эле гуманитардык көмөк көрсөтүү линиясы боюнча да концентраторлор келүүдө.

 Өлкөгө алынып келинген кычкылтек концентраторлору, муктаждыкка жараша, республиканын саламаттык сактоо уюмдары арасында таратылып берилет.