Бишкек-Жалал-Абад аба каттамдары убактылуу ишин токтотту

Бишкек-Жалал-Абад аба каттамдары убактылуу токтотулду.  Бул тууралуу массалык маалымат каражаттарына  Жалал-Абад аэропортунун жетекчилигинен билдиришти. 

Маалым болгондой,  дүйшөмбү, шаршемби жана жума күндөрү учуучу Бишкек-Жалал-Абад-Бишкек багытындагы каттамдар 2 жумага чейин аткарылбайт. Бул айрым аба компаниялардын иши менен байланыштуу.  Учурда учакка билет алгандардын акчасы кайтарылып, айрымдары Ош аэропорту аркылуу учууга мажбур болуп жатышат.