Бишкек-Ош жолундагы жол кырсыгынан 16 адам жабыркады

Өзгөн районунда жол кырсыгында 16 адам жабыркады. Бул тууралуу Ош облусу боюнча жол кыймылынын коопсуздугун камсыздоо бөлүмүнөн билдиришти.

Маалым болгондой, авария кечээ, 14:30 чамасында Бишкек-Ош жолунун Шералы айылына караштуу 619-чакырымында  катталды.

Анда  кичи автобустун айдоочусу башкарууну жоготуп, жеңил унаа менен сүзүшкөн.  Натыйжада бустун айдоочусу жана 15 жүргүнчүсү жабыркады.

Бардыгы аймактык ооруканага жаткырылды. Алардын арасында 2 кичинекей балдар бар. Учурда бул  жол кырсыгы боюнча тиешелүү эксперизалар дайындалды.