Бишкек-Ош жолундагы кырсыктан бир киши каза болуп жаш балдар жаракат алды

Бишкек-Ош унаа жолунда авто кырсыктан бир киши каза болуп, 4 адам жаракат алды. Бул тууралуу ӨКМнын маалымат кызматына шилтеме берип "Барометр" билдирет.

Маалым болгондой, Бишкек-Ош унаа жолунун 84-чакырымында "МАN" үлгүсүндөгү унаа жана "Мерседес-Бенц Гигант" оор жүк ташуучу унаалары сүзүшкөн. 

"Кырсыктын кесепетинен 1983-ж.т. С.К. аттуу эркек киши каза болуп, 4 эркек киши жабыркаган (2000-ж.т. С.А., Ш. уулу Т., А.У. туулган жылдары такталууда жана 1 өспүрүм бала 2007-ж.т. К.Б.). 

Куткаруучулар каза болгон кишинин сөөгүн унаадан чыгарып тез жардам кызматкерлерине өткөрүп беришкен. Жабыркаган жарандарды тез жардам кызматкерлери алып кеткен. Жерине иш алып барууга 3 куткаруучу тартылган", - деп айтылат маалында.