Бишкек-Ош жолунда болгон кырсыктан жаш жигит каза тапты

Кечээ, Бишкек-Ош жолунда унаа кырсыгы катталып, анын кесепетинен жаш жигит каза тапты. Бул тууралуу Өзгөчө кырдаалдар министрлигинин басма сөз кызматынан кабарлашканын ”Барометр” билдирет.

Аталган маалыматка таянсак, окуя унаа жолунун 403-чакрымында болгон.

Chevrolet Cruze унаасынын айдоочусу унааны башкара албай калып жарга кулаган. Кырсыктан улам 23 жаштагы жигит каза тапты. Ал окуусун Москвадан бүтүп келгени айтылууда.

Дагы үч жигит жеңил жаракат алышкан. Куткаруучулар барганга чейин алар Кара-Көл шаардык ооруканасына жеткирилген.