Бишкек-Ош жолунда болгон кырсыкта унаа чуңкурга кулап кетти

Жалал-Абад областында болгон жол кырсыгында төрт адам жабыркады. Бул тууралуу Өзгөчө кырдаалдар министрлигинин басма сөз кызматынан кабарлашканын “Барометр” маалымдайт.

Аталган кабарга таянсак, Бишкек-Ош жолунун 262-чакырымында, Токтогул районунда «Хонда Стэпвагон» унаасынын айдоочусу рулдуу башкара албай калган.

Унаада 7 адам болгон, алардын ичинен төрт эркек: 1962-жылы туулган Т.Б., 1986-жылы туулган Б.Т.,1995-жылы туулган, А.У. жана 1991-жылы туулган А.к.М. аттуу кыз ар кандай жаракаттарды алышты.

Кырсык болгон жерге куткаруу иштерине беш куткаруучу тартылды. Алар жабыркагандарды унаадан алып чыгышып, тез жардам кызматкерлерине өткөрүп беришти.