Бишкек-Ош жолундагы тоннелде болгон жол кырсыгынан 5 адам жабыркады

18-майда Жайыл районунда Бишкек-Ош автотрассасынын 129-чакырымында жол кырсыгы болгонун КРнын Өзгөчө кырдаалдар министрлиги кабарлады.

Көлбаев атындагы тоннелдин ичинде «Тойота Ист» жана «Мерседес-Бенц» авто унаалары кагылышкан.

Кырсыкта «Тойоте Ист» үлгүсүндөгү унаадагы 5 адам жабыркаган. Куткаруучулар тоннелден алып чыгып, алгачкы медициналык жардамдарды көрсөтүшкөн соң медицина кызматкерлерине өткөрүп беришкен.