Бириккен күрөш дүйнөсү Айсулуу Тыныбековага арналган видео жарыялады (Видео)

Бириккен күрөш дүйнөсү (UWW) кыргызстандык спортчу айым Айсулуу Тыныбековага арналган видео даярдады. Бул тууралуу маалыматты “Барометр” Федерациянын социалдык тармактагы баракчасына шилтеме берип билдирет.

Тасмада спортчунун 2019-жылы Нур-Султан шаарында (Казакстан) өткөн Дүйнөлүк чемпионатка катышуусу жөнүндө баяндалат.

Анда Тыныбекова 62 килограммга чейинки салмак категориясындагы бардык атаандаштарын жеңип, алтын медалды жеңип алган. Анын жеңиши "Sign Performance" деп аталды.

Видеодо кыргыздын сыймыктуу кызынын атаандаштары менен күрөшү, жеңишке болгон аракети жана Дүйнө чемпиондугун утуп алгандагы кубанычтуу көз ирмемдер чагылдырылган.