Бириккен Араб Эмирлигиндеги базардан ири өрт чыкты (Видео)

Бириккен Араб Эмирлигинин түндүк-чыгышында жайгашкан Аджман аймагындагы базар өрттөнүп кетти. Бул тууралуу The National басылмасына шилтеме берип “Барометр” которду.

Ири көлөмдөгү өрт кырсыгы кечээ, 5-августта жергиликтүү убакыт менен саат 18:30да башталган. Тилсиз жоону өрт өчүрүүчүлөр 2,5 саатта өчүрүп бүтүштү.

«Анда толугу менен күйүп, күлү гана калган жерлер бар. Соңку төрт айда жабык турган базардан чыккан өрттөн адам өмүрүнө зыян келген жок», - деп айтылат маалыматта.

Учурда өрттүн келип чыгуу себептери такталууда.