Бүгүн парламентте "Ачык асман" долбоору каралат

Бүгүн, 4-декабрда Жогорку Кеңеште  "Аба кодексине өзгөртүүлөрдү киргизүү жөнүндө" мыйзам долбоору каралат. Бул тууралуу парламенттин сайтына жарыяланды.

Аталган долбоор 20-ноябрда комитеттин экинчи окуусунда жактырылган.

Мыйзам долбоорун депутат Абдывахап Нурбаев сунуштап, өкмөт менен биргеликте  иштелип чыккан.

Долбоордун максаты Кыргызстандын аба майданына бардык учактарга каттоого мүмкүндүк берүү. Ал үчүн аба майданындагы мыйзамдарга өзгөртүүлөрдү жана толуктоолорду киргизүү каралууда.