Көлгө чөгүп кеткен 4 жашар кыз Ысык-Көлдүн баардык тарабынан изделип жатат

Ысык-Көлгө чөгүп кеткен 4 жашар наристени бүгүн көлдүн баардык тарабынан изделет. Бул тууралуу ӨКМнын маалымат кызматына шилтеме берип "Барометр" билдирет.

Маалым болгондой, бүгүн 5-августта Тору-Айгыр айылынын тушунда 18 күн мурун көлгө чөккөн кызды издөө уланууда.  

"Көлдүн үстүнөн, жээктерден, көл түбүнөн  издөө үчүн Тору-Айгыр айылына ӨКМдин Суучулдар кызматынан 10 суучул, Ысык-Көл райондук №31 ӨКБдан 4 куткаруучу, Кочкор райондук №42 ӨКБдан 4 куткаруучу, Нарын райондук №16 ӨКБдан 5 куткаруучу, Бишкек шаардык башкармалыгынын Куткаруу кызматынан 5 куткаруучу жана Тоң райондук №38 ӨКБдан 4 куткаруучу, Каракол шарынан 8 адам  кеме менен, жергиликтүү элдерден 8 киши, ыктыярчылардан 3 киши издешет.

Наристени издөө ишине жалпысынан 32 куткаруучу тартылган.  Алар 18 күндөн бери аймактарга, жээктерге бөлунуп иш алып барышууда", -деп айтылат маалыматта.

Эске салсак, үстүбүздөгү жылдын 18-июлунда “жапайы пляжга” көлгө түшүп эс алуу үчүн келишкен. Эс алуучулар сууга түшүп жатканда шамал болуп, толкун башталган. Кыз үйлөтмө желим матрац менен сууга түшүп жаткан учурда шамал айдап кеткен.