Бүгүн, 24-апрелде дагы Стамбулдан кыргызстандыктар келет

Стамбулдан чартердик каттам менен бүгүн, 24-апрелде Кыргызстандын дагы бир топ жараны келет. Бул тууралуу республикалык штабдан кабарлашты.

“Түрк тарап менен жетишилген келишимге ылайык, Стамбул - Бишкек багыты боюнча каттам 24-апрелге пландалган”, — деп айтылат маалыматта.

Эске салсак, буга чейин 200дөн ашык жаран Стамбул – Бишкек багыты боюнча келип, алардын бардыгы “Ак-Кеме” мейманканасына обсервацияга алынган. Алардын бардыгынан анализ алынып, бир аздан кийин бардыгы тең үй карантинине чыгарылган. Бирок кайталап алынган анализдердин жыйынтыгы менен бир Стамбулдан келген бир жүргүнчүдөн коронавирус илдети табылган. Ал учурда көзөмөлгө алынып, тийиштүү дарылоодон өтүп жатат.