Белгилүү Казакстандык мушкер комадан чыккандан кийин алгачкы сүрөтү жарыяланды

Казакстандын профессионал мушкери Айдос Ербосынулы комадан чыгып, соцтармакка сүрөт жарыялады. Бул тууралуу мушкердин соцтармактагы баракчасындагы маалыматка таянып “Барометр” билдирет.

Мушкер титулдук беттеште оор жеңилүүдөн кийин комага түшүп, өзүнө келгенден кийинки алгачкы сүрөтүн жарыялады.  

Казакстандык спортчу кубалык Дэвид Моррелге нокаут менен жеңилип калган. WBA версиясы боюнча орто салмакта чемпиондук наамы үчүн күрөшүп, андан соң ооруканага жаткырылып, комага түшүп калган.

Буга чейин, казакстандык мушкердин ден соолугу жакшырып жатканы белгилүү болгон.