Базар-Коргондун тургуну Батирбек Жураев 7 айдан бери дайынсыз болууда

Базар-Коргон районунун Көк-Алма айылынын тургуну Батирбек Жураев жети айдан бери дайынсыз болуп изделүүдө. Бул тууралуу Жалал-Абад ОИИБдин маалыматына таянып “Барометр” билдирет. 

Маалым болгондой, Базар-Коргондо 1985-жылы туулган Батирбек Жураев 2022-жылдын 26-июль күнү саат 08:00 чамасында үйүнөн чыгып кеткен бойдон дайынсыз болууда.

Учурда Батирбек Жураевдин жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.

Белгилери: Бою 160-165 см, орто дене түзүлүштө, сары жүздүү, чачы кара кыска, психикалык жактан жабыркайт, эс тутуму начар, 2-топтогу майып.

Кийген кийимдери: Кара түстөгү футболка, шым, ботинка болгон.

Дайынсыз болуп жаткан Жураев Батирбек Юнусович тууралуу кандайдыр бир маалымат болсо милицияга кабарлап коюушуңуздарды өтүнөбүз. 

Тел.: 102, (03736) 5 02 61,   0776 10 30 30.