Базар-Коргондо бир жарым айдан бери дайынсыз болуп жаткан өспүрүмдү дарыядан издеп жатышат

Базар-Коргондо дайынсыз болуп жаткан өспүрүм табылбай жатат. Бул тууралуу ӨКМнын маалыматына шилтеме берип “Барометр” билдирет. 

Маалым болгондой, Базар-Коргон районуна караштуу Кызыл-Үңкүр айыл аймагынын 14 жаштагы  М. Ф. аттуу өспүрүмдү издөө иштери 2023-жылдын 16-май  күнү  кайрадан башталды.

“Дайынсыз болгон  мектеп окуучунун жакындары кайрадан издөө иштерин жандантып, Кара-Үңкүр дарыясынын жээгин карап берүүсүн суранып райондук Өзгөчө кырдаалдар бөлүмүнө кайрылышкан.

Жерине Базар-Коргон райдук  ӨКБнүн 5 куткаруучусу тартылып, издөө жумуштарын алып барышууда”, -деп айтылат маалыматта. 

Белгилей кетсек,  аталган мектеп окуучусу 31-мартта дайынсыз болуп, райондук өзгөчө кырдаалдар бөлүмдөрүнүн куткаруучулары 14-апрелге чейин издешкен.

Натыйжа болбогондуктан, туугандарынын өтүнүчү менен издөө убактылуу токтотулган.