Баткендин Ак-Сай айылындагы эски көпүрө жарактан чыкты

Баткендин Тажикстанга чектеш Ак-Сай айылындагы эски көпүрө жарактан чыкты.Бул тууралуу жергиликтүү активист Камчыбек Баймуратов barometr.kg сайтына билдирди. Анын айтымында кечээ дарыя суусу менен кошулуп келген сел көпүрөнү жарактан чыгарган.  

Көпүрө 90-жылдарга чейин Ак-Сай айыл өкмөтүндөгү Капчыгай айылынын райондун борбору менен байланыштырып турган.

Жаңы көпүрө курулгандан кийин да Капчыгай айылынын эли азыркы күнгө чейин аталган эски көпүрө менен айдоо жерлерине каттап, пайдаланып келген.