Баткендеги чек ара кызматкерлернин айлык акысы 76 миң сом болду

Министрлер кабинетинин башчысы Акылбек Жапаров аскер кызматкерлеринин айлык акысы 76 миң сомго көтөрүлгөнүн билдирди. Бул тууралуу Жапаровдун Баткен облусунда эл менен жолугушуу учурунда айткан маалыматына шилтеме берип "Барометр" билдирет.

Маалым болгондой, чек арачылардын айлык акысы 2 эсеге жогорулатылды, ал эми Лейлек жана Баткен райондорунда кызмат өтөгөндөргө 2 коэффициенти кошулду, демек, аталган райондордогу чек арачылар 76 миң сомго жакын маяна алышат

Учурда, Акылбек Жапаров тажиктердин куралдуу кол салуусунан жабыркаган үйлөрдү жана социалдык объектилерди жеринен көрүп жүрөт.