Баткенде сууга чөгүп кеткен эки баланын бирөөсүнүн сөгү табылып, экинчиси изделүүдө

Баткенден Төрт-Күл суу сактагычына чөгүп кеткен эки баланын бирөөсүнүн сөөгү табылды. Бул тууралуу ӨКМнын маалыматына шилтеме берип “Барометр” билдирет. 

Маалым болгондой, кечээ, 14-май күнү саат 20:35те Төрт-Күл суу сактагычында кайыкта сейилдеп жүргөн (болжол менен 15-20 жашта) 2  бала сууга чөгүп кеткен. 

“Издөө иштерине саат 20:50дө ӨКМдин Үчүнчү өзүнчө издөө-куткаруу отрядынан 10 куткаруучусу тартылып, түнкү саат 00:00гө чейин издөө иштери жүргүзүлгөн.

Бүгүн, 15-май күнү саат 05:50дө 15 куткаруучу издөө иштерин улантууга чыгып, саат 08:35де 2009-ж.т. Д. М.  аттуу баланын сөөгү  табылды.

Учурда 2006-жылы туулган А.М. аттуу  экинчи баланы издөө иштери уланууда”, -деп айтылат маалыматта.