Баткенде унаа жолдогу тосмону сүзүп, айдоочусу мерт кетти

Бүгүн таңкы саат 02:38де Баткен шаарында адам өмүрүн алган жол кырсыгы катталды. Бул тууралуу ӨКМдин басма сөз кызматы билдирди.

Окуя, Нургазыев жана Садыков көчөлөрүнүн кесилишинде катталып, “ВАЗ-2107” Жигули үлгүсүндөгү жеңил унаанын айдоочусу рулду башкара албай, жол четиндеги бетон тосмону сүзгөн.

Кырсыктын кесепетинен 1982-жылы туулган эркек киши каза болуп, 1983-жылы туулган аял жабыркады.

Жерине №3 өзүнчө издөө куткаруу отрядынын адистери тартылып, маркумдун кыпчылып калган денесин унаадан чыгарып, ИИМдин кызматкерлерине өткөрүп беришкен, ал эми жабыркаган аялды тез жардам кызматы ооруканага алып кеткен.