Айсулуу Тыныбекова Украинада өтүүчү мелдеште күч сынашат

26-28-февралда Киев шаарында спорттук күрөштүн түрлөрү боюнча Украинанын атактуу балбандарынын жана машыктыруучуларынын элесине арналган XXIV эл аралык мелдеш өтөт. Мелдешке Кыргызстандын кыз-келиндер курама командасы да катышат. Бул тууралуу Спорттук күрөш боюнча федерациясынын маалымат кызматына шилтеме берип “Барометр” билдирет.

Маалыматка ылайык, башкы машыктыруучу Нурбек Изабековдун жетекчилиги астында кыз-келиндер арасындагы мелдешке Кыргызстандын атынан 5 спортчу кыз катышат.

Кыргызстандын курама командасынын курамы:

• 57 кг - Сезим Жуманазарова
• 59 кг - Назира Марсбек кызы
• 62 кг - Айсулуу Тыныбекова
• 68 кг - Мээрим Жуманазарова
• 76 кг - Айпери Медет кызы.

Эске сала кетсек, буга чейин, аталган эл аралык мелдешке Кыргызстандын атынан эркин жана грек-рим күрөшү боюнча жалпы 29 балбан жигиттер күч сынашары айтылган.