Балбак Түлөбаев Бишкек шаарынын мэринин милдетин аткаруучу болуп дайындалды

Бүгүн, 27-октябрда, Балбак Түлөбаев Бишкек шаарынын мэринин милдетин аткаруучу болуп дайындалды. Өкмөттүн аппарат жетекчиси Бактыбек Аманбаев мэриянын кызматкерлерине Бишкек шаарынын мэринин милдетин убактылуу аткаруучу Балбак Түлөбаевди тааныштырды.

Аманбаев президенттин милдетин аткаруучу Садыр Жапаровдун буйругу менен Бишкек шаарынын мэринин милдетин убактылуу аткаруучу  болуп Балбак Түлөбаев дайындалганын айтты. 

Ошондой эле, Аманбаев мэрдин милдетин аткаруучуну расмий түрдө анын иш-бөлмөсүнө отургузду.

Балбак Түлөбаевге Бишкек шаарынын мэриясын жетектөөгө президенттин милдетин аткаруучу Садыр Жапаров сунуштаганы маалым болду.

Эскерте кетсек, Балбак Түлөбаев буга чейин Бишкек мэриясынын аппарат жетекчиси болуп иштеген.