Исмаилова: Колл-борборго кеңеш алуу максатында кайрылгандар көп

Июнь айында коронавирус маселелери боюнча жарандардын кайрылуусу кескин өстү. Бул тууралуу Республикалык штаб билдирди. 

Ага байланыштуу, 21-июнда Республикалык штабдын жана Саламаттыкты сактоо министрлигинин чечими менен мобилдик бригадалар күнү-түнү иштөө тартибине өттү. 

"Бүгүнкү күндө 118 ыкчам номери боюнча 14 линия 24 саат бою иштеп кеңеш берүүдө. Мындан сырткары, үй-бүлөлүк медицина борборлорунда ишеним телефондору иштөөдө. Жарандар жашаган жери боюнча ҮМБ кайрылып, кеңеш ала алышат”, - деп билдирди Бишкек мэриясынын Саламаттыкты сактоо шаардык башкармалыгынын башчысы Бактыгүл Исмаилова.

Анын айтымында, колл-борборго кайрылгандардын 50 пайызы медициналык мүнөздө эмес, кеңеш алуу максатында кайрылгандар.

Белгилей кетсек, бир телефон чалууга кеңеш берүү 15-20 мүнөткө чейин созулат.