Азамат Жаманкулов: Курмангазы Азыкбаев маданият министри болду деген маалымат жалган

Маданият, маалымат жана туризм министри Азамат Жаманкулов кызматтан кеткени, анын ордуна Кыргыз Республикасынын Эл артисти, музыкант Курмангазы Азыкбаев келгени тууралуу маалымат социалдык тармактарга тараган.

Бул маалыматты маданият министри Азамат Жаманкулов четке кагып, ал өз кызмат ордунда эле иштеп жатканын айтты.

Министрдин айтымында аталган министрликти басып алуу аракеттери болгон.

Бирок, маданият өкүлдөрү бир чечимге келип, Азамат Жаманкуловду ээлеген кызмат ордуна калтырууну туура көрүшкөн.