Видео. Атамбаев кол тийбестигинен ажыратуу боюнча жагдайга бүгүн билдирүү жасайт

Кыргызстандын экс-президенти Алмазбек Атамбаев Жогорку Кеңеш тарабынан аны экс-президенттик статусунан ажыратуу боюнча  жагдайга бүгүн билдирүү жасаганга ниеттенүүдө.

Бүгүн Атамбаев Фарид Ниязов менен бирге анын Кой-Таштагы үйүнүн жанында түзүлгөн Элдик штабга барды.

Атамбаев чогулгандар менен сүйлөшүп, журналисттер үчүн уюштурулган маалымат борборун карап чыкты.

Ал ошондой эле бүгүн саат 14гө чейин Жогорку Кеңештин Атайын комиссиясынын экс-президентти статусунан ажыратуу боюнча чечими тууралуу Башкы прокуртуранын бүтүмү жөнүндө билдирүү жасарын айтты.