Астана шаарында эки кабат имарат жарылды

 Астана шаарындагы Алаша шоссесинин боюнда жайгашкан "МолПродуктсервис" ишканасынын эки кабат имараты жарылды. Бул тууралуу Казакстандын Ички иштер министрлигинин басма сөз кызматы кабарлаганын казак ЖМКлары маалымдашууда.

 “15-мартта саат 17:06да "МолПродуктсервис" ишканасынын эки кабат имаратындагы газ баллон жарылганы тууралуу маалымат түшкөн”,-деп кабарлашты басма сөз кызматынан.

Өрт өчүрүүчүлөр кырсык болгон жерге саат 17:14тө барышкан. Жарылуудан улам биринчи кабат менен экинчи кабаттын ортосундагы 300 чарчы метр аянттагы шып урап түшкөн.

Үч адам жабыркап ооруканага жетирилди.