Асель Кадырбекова "Нурлан Насип менен ажырашып кетиптир" деген сөзгө чекит койду

Эстрада ырчысы, Нурлан Насиптин аялы Асель Кадырбекова алар кайрадан жарашып, учурда жашап жатканын билдирди.

Эске салсак, буга чейин социалдык тармактарда эки ырчы ажырашып кетиптир деген имиштер тараган болчу.

"Идеалдуу үй-бүлө жок. Бардыгы кыйынчылыктарды баштан өткөрүшөт. Эң башкысы ошол сыноодон татыктуу өтүү. Биз дагы четте калган жокпуз. Биз идеалдуу үй-бүлөбүз деп иллюзия түзгүм келбейт. Биз өз түйшүгү бар катардагы эле үй-бүлөбүз. Себеби ар бирибиздин сезимдерибиз, эмоциябыз бар. Бизди оор күндөрү колдоп турган ата-энебизге, досторго жана күнү-түнү инстаграмды карап отурган күйөрмандарга рахмат. Ал эми биздин оор күндөрүбүздү пайдаланып өзүнө катталуучу жана лайк топтогондорду Кудайга койдум. Биз сыноодон өттүк, эми баары жакшы болот деп ойлойм", - деп жазды Кадырбекова.

Ал ошондой эле Нурлан Насип менен 9 жылдан бери бирге экенин айтып, анын 7 жылын кыз-жигит болуп жүрүшсө, 2 жылын чогуу түтүн булатуу менен өткөрүшкөн.