Арнольд Шварценеггердин жүрөгүнө дагы бир жолу операция жасалды

Америкалык актер, бодибилдер жана Калифорниянын мурдагы губернатору Арнольд Шварценеггер жүрөгүнө дагы бир жолу операция жасатты. Бул тууралуу анын Twitter баракчасына жарыяланган маалыматка шилтеме берип “Барометр” билдирет.

Актердун айтымында, Кливленд клиникасынын дарыгерлери ага жаңы “аорта клапанын” салышкан.

73 жаштагы Шварценеггер: "Мен өзүмдү абдан жакшы сезип жатам. Учурда Кливленддин көчөлөрүндө сейилдеп жүрөм", - деп жазган.

Шварценеггер 2018-жылдын март айында жүрөгүнө алтынчы жолу жасалган операция учурунда клиникалык өлүмгө дуушар болгонун айткан. Бул окуя актерго 1997-жылы орнотулган өпкө клапанын алмаштыруу учурунда болгон. Дарыгерлердин анын өмүрү менен болгон аесуз күрөшүнүн акыбети кайтып, актер сакайып кеткен.