Apple компаниясы аккумулятордук батареясы бар электромобилди чыгарууну пландап жатат

Apple компаниясы аккумулятордук батарея технологиясы менен өзү башкарган электр унаасын жасоону каалап жатат. Бул тууралуу Reuters маалымат агенттигине таянуу менен “Барометр” билдирет.

Компания мындай машинаны 2014-жылы Project Titan деп аталган долбоордун алкагында иштеп баштаган. Бул проект 2024-жылга чейин бүтүрүү пландалууда. Келечектеги унаанын негизги өзгөчөлүгү – батарея менен иштейт. Бул автомобилдин чыгымын "радикалдуу" төмөндөтүп, басып өткөн аралыкты көбөйтө алат.

Бирок, Apple компаниясынын пландарына коронавирус пандемиясы таасир этиши мүмкүн. Ошондуктан, өндүрүштүн башталышы 2025-жылга жылдырылышы мүмкүн.

Компания бул унаалар тууралуу ЖМКга азырынча комментарий бере элек, бирок аталган долбоор тууралуу дагы четке каккан жок.