Ангела Меркелди тоту куш чокуп салды

Германиянын канцлери Ангела Меркель Лори деп аталган агрессивдүү тоту куштун “чабуулуна” кабылды. Бул тууралуу «Tz» булагы маалымдаганын “Барометр” кабарлайт.

Окуя Мекленбург-Алдыңкы Померания шаарындагы Марлоу канаттуулар паркына канцлер барган кезде болду.

Меркель Бундестагдын кечээ 26-сентябрда өткөн шайлоосуна чейин мурдагы шайлоо округун кыдырган. Экскурсиянын маалында канцлер Марлоу куштар паркына барып, аларды тамактандырмак болгон.

Меркель дан, суу жана фруктоза кошулган куштардын стаканга салынган тамагын берип жаткан учурда ага Лори аттуу тоту куш коно калып колун чокулап салган. Меркель буга чыдап куштарга тамак берүүсүн улатканын газета жазып чыкты.

Шайлоо алдында саясатчылар баарына чыдай турганын аталган инцидент көрсөтүп турат.