Америкада Запорожец 18 000 $ сатылууда

Американын Массачусетс штатында ЗАЗ-965 “Запорожец”  унаасы 18 миң долларга сатыкка коюлду. Мындай суммада Кошмо штаттарда жаңы Toyota Corolla унаасын алууга болот.

Жарнаманын ээси Запорожецти Советтер союзу учурундагы эң арзан унаа, Италиянын Fiat 600 үлгүсүнүн негизинде жасалган деп сүрөттөйт.

СССРдин учурунда “горбатый” лакап атын алган унаа 1960-1969 жылдары чыгарылган.

Эскерте кетсек, АКШда советтик унаалар коллекциондук болуп саналып, көбүнчө жаңы автонун баасындай турат.