Алып баруучу Эркин Рыскулбековдун эжесине жана анын балдарына коронавирус жукту

Белгилүү теле алып баруучу Эркин Рыскулбековдун эжесине жана анын балдарына коронавирус жукту. Бул тууралуу ал социалдык баракчасына жазып чыкты.

"Коронавирус менин үй-бүлөсүмө да жетти. Бир тууган эжем жана анын 3 баласы вирусту жуктуруп алышты. Эжем обсервацияга жатты, балдары (симптомсуз) үй карантинине алынды. Бардык коюлган талаптарды аткаргыла. Бул тамаша эмес. Мен азыр абдан коркуп жатам. Өлкөм үчүн тиленип жатам”, - деп жазган алып баруучу.

Ошондой эле, Рыскулбеков вируска каршы тест тапшырып,  анын жыйынтыгы таза чыккандыгын тастыктаган сүрөт жүктөдү.