"Альянс Алтын" өнүктүрүү фонду паркты оңдоого 6 миллион сом бөлдү

Улуу Ата Мекендик согуштун катышуучусу, Советтер Союзунун Баатыры Асанбек Оторбаевдин 100 жылдыгына карата анын туулуп өскөн жери Чат-Базар айылындагы Асанбек Оторбаев атындагы “Жеңиш” паркы жаңыланууда.

Бул иштерди жүргүзүү үчүн “Альянс Алтын” өнүктүрүү фонду тарабынан 6 миллион сом каражат бөлүнүп, учурда паркта реконструкция иштери активдүү жүрүп жатат. Жаңылануу алкагында эс алуу багы заманбап талаптарга ылайык кайрадан жасалып, айыл тургундары жана коноктор үчүн эс алуу жайына айланат. 

Фонддун бул колдоосу А.Оторбаевдин эрдигин даңазалоо жана келечек муундарга патриоттук тарбия берүүгө о.э тарыхый мурастарды сактоого багытталган.