Алмазбек Атамбаев ден соолугуна байланыштуу тарапкерлеринин алдына чыккан жок

Бишкектеги “Форум” имаратында экс-президент Алмазбек Атамбаевдин тарапкерлеринин митинги башталды. Митинге Ирина Карамушкина, бүгүн абактан бошотулган КСДП партиясынын мүчөсү Мээрбек Мискенбаев, УКМКнын экс-кызматкери Канат Сагымбаев, Фарид Ниязов жана мурдагы премьер-министр Жантөрө Сатыбалдиев катышып жатышат.

Митингдин катышуучулары кечээки башаламандык учурунда талап-тоноочулукка жол берилген жок деп белгилешти.

"Унааны өрттөп, тез жардам кызматынын фельдшерин сабап салган, бирок булар биздин тарапкерлерибиз эмес", - деди Ирина Карамушкина.

Мээрбек Мискенбаев саясатчыларды бийликти жаштарга өткөрүп берүүгө чакырды.

«Баарынан да мен чыккынчылардын бетине тике карагым келет. Айрыкча Иса Өмүркуловдун көз алдында. Анын көзү кандай экен деп таң калам », - деди Мээрбек Мискенбаев.

Аны Канат Сагымбаев колдогонун билдирди.

Алмазбек Атамбаев ден соолугуна байланыштуу митингчилердин алдына чыга элек.