Алматынын “Кайрат” футбол клубу Гүлжигит Алыкулов жөнүндө тасма тартты

Алматынын "Кайрат" футболдук клубу жарым коргоочусу, ыкчамдыгы менен күйөрмандары тарабынан "Кыргыздын Мессиси" атыккан Гүлжигит Алыкулов жөнүндө даректүү тасманы тартты. Бул тууралуу, "Кайрат" футболдук клубунун сайтына шилтеме берип "Барометр" билдирет.

Бул тасмада Алыкулов карьерасынын башталышы, европалык клубдарга өтүүгө аракет кылып кайра мекенине кайтып келгендиги жөнүндө айтып берет. Андан соң, кантип Кайратка келүүнү чечкени кошумчалаган. Анын кыялы - Дүйнө чемпиондугуна катышуу.

Ошондой эле, үй-бүлөсү жана куудул атасы Жаныбек Алыкулов тууралуу сөз кылган.

Алыкулов дагы бир жолу “Кайраттын” курамында Казакстандын чемпиону болууну жана Кыргызстандын курама командасы менен дүйнө чемпиондугуна чыгууну кыялданарын мойнуна алды.