Алмасбек Абытов Жогорку Кеңешке жаңы кызматка барды

Өкмөттүн аппаратынын башчысынын биринчи орун басары Алмасбек Абытов Өкмөттүн Жогорку Кеңештеги туруктуу өкүлү болуп дайындалды. Бул тууралуу парламенттин бүгүнкү отурумунда төрага Дастанбек Жумабеков билдирди.

Алмасбек Абытов Жогорку Кеңештин 5-чакырылышында депутаты болгон. Буга чейин Улуттук Илимдер Академиясында инженер кызматында, Жогорку Кеңештин аппаратынын бир катар бөлүмдөрүндө жетекчилик кызматтарда иштеген.

 Өкмөттүн Парламенттеги мурдагы өкүлү Ашырбек Темирбаев 16-июлда каза болгон.