Алмамбет Шыкмаматовдун жубайы эки тараптуу пневмониядан каза болду

Жогорку Кеңештин мурдагы депутаты Алмамбет Шыкмаматовдун жубайы эки тараптуу пневмониядан каза болду. Бул тууралуу «Барометрге» экс-депутаттын кесиптештери тастыкташты.

Маалыматка ылайык, Жанара Турдакунова эки тараптуу пневмония оорусуна чалдыгып, Улуттук госпиталда дарыланып жаткан. Анын кесепетинен 6-июлга караган түнү, көз жумду.

Эскерте кетсек, экс-депутат Алмамбет Шыкмаматов жана анын келинчеги үч уул, бир кызды тарбиялап келишкен.

«Барометрдин» жалпы жааматы Жанара Турдакунованын үй-бүлөсү жана бир туугандарына терең кайгыруу менен көңүл айтат.