Лукашенконун курал көтөрүп жүргөн видеосу интернетте кызуу талкууланууда (видео)

Беларусиянын президенти Александр Лукашенко Минскидеги резиденциясына тик учактан түшүп келе жатып, колуна автомат көтөрүп түшкөн. Бул видеону «Телеграм» каналындагы «Пул первого» деп аталган канал чыгарган маалыматка шилтеме берип «Барометр» билдирет.

Ушул эле видеону өлкөнүн бир канча телеканалдары да жарыялады.

23-августта «Жаңы Беларустун жүрүшү» деп аталган акцияга жүз миңден ашуун адам чыкты. Бул  Беларустун тарыхындагы эң ири акциялардын бири болуп калды.

Анда карапайым калк Лукашенконун кызматтан кетишин, жаңы шайлоо өткөрүлүшүн талап кылып жатышат.

Алар кечке маал нөшөрлөп жааган жаандан улам үйлөрүнө таркашты.

Акциянын катышуучуларына Коргоо министрлиги билдирүү таркатып, мыйзам бузгандарга полиция эмес, армия чара көрөрүн эскерткен.