Аламүдүн районунда жергиликтүү тургун 73 жаштагы энесин өлтүрдү

Киши өлтүрүүгө шектүү жаран кармалды.Бул тууралуу бүгүн, 1-июлда Чүй областтык ички иштер башкы башкармалыгын басма сөз кызматынан кабарлашты.

Кечээ, 30-июнда Аламүдүн районундагы Пригородное айылында адам өлтүрүү кылмышы болгону тууралуу маалымат түшкөн. Окуя болгон жерге ыкчам-иликтөө тобу барган. 73 жаштагы М.А.нын жансыз денеси уктоочу бөлмөдө жаткан.

Укук коргоо кызматкерлери 34 жаштагы шектүү адамды-каза тапкан аялдын уулун кармашты.

Квартираны тинтүү маалында 5 диний китеп жана кол жазма жазылган дептер табылды. Аларга экспертиза дайындалды.

Тергөө башталды.