Бишкекке жакын жердеги Боз-Бөлтөк тоосунан жол тандабас кулап, айдоочу каза болду

Аламүдүн районунда 28-апрелде саат 22:00до Байтик айылынын Боз-Бөлтөк тоосунун чокусунан “Тайота Прадо” үлгүсүндөгү унаа коктуга кулап түшкөн. Аны 1996-жылы туулган А.Ч. аттуу жаран айдап жүргөн. Бул тууралуу ӨКМдин Басма сөз кызматы билдирди. 

Жерине №1 ӨКБ куткаруучулары барып, жабыркаган жаранды коктудан носилка менен чыгарып, тез жардам кызматкерлерине өткөрүп беришкен.

Бирок жабыркаган жаран ооруканага жетпей көз жумган.