Ала-Бука-Жаңы-Базар-Кировка унаа жолуна кар көчкү түшүп, убактылуу жабылды

Чаткалдагы Ала-Бука-Жаңы-Базар-Кировка унаа жолуна көлөмү болжол менен 1000м3   кар көчкү түштү. Бул тууралуу ӨКМ билдирди. 

18-декабрь күнү саат 06:00 чамасында жааган кардын кесепетинен жогоруда аталган унаа жолунун 90-100-чакырым аралыгы жабылган. Мындан сырткары саат 22:20 чамасында ушул эле унаа жолунун 88-чакырымында көлөмү болжол менен 300м³ кар көчкү түшкөн. 

Алдын ала берилген маалыматтар боюнча адам өмүрүнө зыян келтирилген эмес.

Учурда жол толугу менен тазаланды. Бирок, кырсыкты алдын алуу максатында Чаткал РМАнын башчысынын биринчи орун басарынын 2018-жылдын 18-декабрындагы №146 буйругунун негизинде Ала-Бука-Каныш-Кыя жана Красная-Горка-Ак-Таш унаа жолдору атайын буйрукка чейин убактылуу жабылган.