Ала-Буга суусуна түшүп кеткен 28 жаштагы жигитти куткаруучулар үч айдан бери издеп жатышат

Нарын облусунда үч ай мурда сууга түшүп кеткен 28 жаштагы жигитти издөө иштери улантылды. Бул тууралуу ӨКМнын маалымат кызматына шилтеме берип “Барометр” билдирет.

Маалым болгондой, Ак-Талаа районунун Жеңиш айылында 1993-жылы туулган жигит 2020-жылдын 27-декабрь күнү Ала-Буга суусуна түшүп кеткен.

“Издөө иштери 2021-жылдын 6-январына чейин жүргүзүлүп токтотулган, себеби дарыянын жээктери муз болгондуктан издөө иштерин жүргүзүү мүмкүн болгон эмес.

16-март күнү издөө иштерин улантуу максатында  КР ӨКМнин №47 өрткө каршы куткаруу бөлүнүн куткаруучу тартылды.

17-март күнү издөө улантылат”, - деп айтылат маалыматта.