Ала-Арча суусуна кулап кеткен эркек киши куткарылды

Бүгүн, 21-июнда Ала-Арча суусуна эркек киши кулап кеткен. Бул тууралуу ӨКМнын басма сөз кызматын шилтеме берип “Барометр” билдирет.

“Москва көчөсүндөгү көпүрөдөн А.Т.(1974-ж.т.) аттуу эркек киши Ала-Арча суусуна кулап түшкөндүгү туралуу 112 кызматынан маалымат келип түшкөн.

Куткаруучулар жерине барышып жабыркаган жаранды алып чыгып, тез жардам кызматына өткөрүп беришкен”, - деп айтылат маалыматта.

Куткаруу иштерин жүргүзүү үчүн Бишкек шаардык куткаруу кызматынан беш куткаруучу тартылган.