Акыркы жолугушуу. Кыргызстандык мүнүшкөр 10 жыл таптаган бүркүтүн эркиндикке чыгарды – видео

Ысык-Көл облусунун Ысык-Көл районундагы Чоң-Өрүктү айылынын тургуну Түгөлбай аттуу мүнүшкөр 10 жылдан кийин "Байкоңур" аттуу бүркүтүн эркиндикке кое берди.

Мүнүшкөр бүркүтүн колуна алып, андан кечирим сурап, эркиндикке коё бергенин, эми каалаган жагына учуп кетсе болорун айтып жатканын көрүүгө болот.

Бүркүттү коё бергенден кийин ал ээсинин үстүнөн бир нече жолу айланып учту.

“Үч жолу айланып учса анда ал жакшылыктын белгиси”, — деп мүнүшкөр бүркүтүнүн акыркы учушун жакшылыкка жоруду.