Акылбек Жапаров төраганын милдетин аткаруучу болуп дайындалды

Президент Садыр Жапаров кол койгон жарлыкка ылайык, Акылбек Жапаров Министрлер кабинетинин төрагасынын милдетин аткаруучу  болуп дайындалды. Бул тууралуу президенттин басма сөз кызматынан билдиришкенин “Барометр” маалымдайт.

“Конституциянын 71-беренесине ылайык, Жапаров Акылбек Үсөнбекович Кыргыз Республикасынын Министрлер кабинетинин төрагасынын - Кыргыз Республикасынын президентинин администрациясынын жетекчисинин милдетин аткаруучу болуп дайындалды”,-деп айтылат маалыматта.

Эскерте кетсек, буга чейин президенти Садыр Жапаров кол койгон жарлыкка ылайык, Марипов Улукбек Асамидинович Кыргыз Республикасынын Министрлер кабинетинин төрагасынын милдеттерин аткаруудан бошотулган.