Аксы районунун эки айылына өзгөчө кырдаал режими киргизилди

Аксы районунда селден кийин жоголгон эки баланы издөө уланууда. Бул тууралуу Өзгөчө кырдаалдар министрлигинен алынган маалыматка шилтеме кылуу менен “Барометр” маалымдайт.

12-июлда болгон селден Жолборсту айылындагы Алты-Айры жайлоосунда 7 адамды жана Жаңы-Жол айылында бир баланы сел агызып кеткен. Куткаруучулар 6 адамдын сөөгүн табышты.

Мындан тышкары сел ички жолдорду жана 4  көпүрөнү жараксыз кылган.

Ак-Жол жана Жаңы-Жол аймагында селдин кесепеттерин жоюу уланууда.

Аксы районунун мамлекеттик администрациясынын башчысы эки айылдын аймагына өзгөчө кырдаал киргизүү тууралуу буйрукка кол койду.